Ne Konversaciis

Muziko de V.MIŜĈUK
Originala teksto de Ju.LEVITANSKIJ
Traduko de Grigorij AROSEV

Haste ni alvenis,
Mole ĉirkaŭprenis,
Kantis kaj brakumis, trinkis, drinkis, fumis.
Pasis tag’, sed ni ne sciis.
Ne konversaciis.

Venis ni - ne venis,
Vane nur ĉagrenis,
Malgraŭ la enuo
Ni aranĝis bruon.
Pasis jar’ - ni ne menciis.
Ne konversaciis.

Vivis ni imprese,
Vivis ni karese,
Ni elspezis ĉion -
Tion ne konsciis.
Pasis tuta vivo jam senspure.
Ne konversaciis.