Vjetnama Patrino

Teksto	UEYAMA Masao
Muziko	Gianfranco MOLLE

Ĝusta nomo de poemo estas “Kantas la Vjetnama Patrino”.

Kiam venos ree nin kolomb’
forfluginta el la fum’ de bomb’?
Ĉu ĝi vivas ie sen danĝer’?
Ni atendu, kara, kun esper’.

Kiam floros rozo sur la kot’
eltretita de l’ usona rot’?
Ĉu ĝi ĝermos iam por refoj’?
Ni atendu, kara, sen malĝoj’.

Kiam paĉjo hejmen venos kaj
en la brakoj tenos vin kun gaj’?
Ĉar batalas li por la liber’
ni atendu, kara, kun esper’!