En verda val'

E-teksto	P.Ŝtabaljuk

Ukraina popola kanto.

En verda, verda val’
Atendas min ĉeval’.
Silente staras mi,
Silente staras mi,
Ravita de l’knabin’.

Ne tiom de l’knabin’,
Kiom de la vizaĝ’
Hoj, venu do, knabin’,
Hoj, donu, belulin’,
Maneton al kozak’.

Alvenis la knabin’,
La manon prenis li.
Prefere mia kor’,
Prefere mia kor’,
Ne sciu pri amor’.

Pri amo, pri amor’
Nure dum nokta hor’,-
Kun lumo de aŭror’,
Kun lumo de aŭror’
Amoro pasos for.