====== Tridek Tri Bovinoj ======
//Teksto de N. Olev, muziko de M. Dunajevskij//
//(kanto el la filmo "Meri Poppins, gxis revido!")//
//Traduko el la rusa [[Pauxlo MOJXAJEV]]//

=== Teksto ==
Meze de urbego ia
Sen ecx plej malgranda plant'
Logxis la poet' genia,
Inspirplena vers-rimant'.
Cxion rimis li kaj fine
Lin lacigis poezi',
Kaj somere en kamparon,
Por plenumi san-riparon
Estis forsendita li.

//Refreno://
>Tridek tri bovinoj,
>Tridek tri bovinoj,
>Tridek tri bovinoj -
>Nova vers-redakt'!
>Tridek tri bovinoj -
>Venis vers' al fino
>Fresxa, kvazaux jxus melkita lakt'!

Vekigxadis li tre frue -
Je la kvina sen erar',
Kaj versajxojn novajn flue
Prezentadis al bovar'.
Fine de somero suna
Ege kreskis la poet' -
Ja severa lakt-dieto
Tre utilas por poeto,
Se li estas nur knabet'!

>//Refreno//
{{tag>litero_t kanto rusa}}