====== La tagiĝo ======

^Teksto|[[Antoni GRABOWSKI]]|
^Muziko|[[BARANSKI]]|
^Kantas|[[TANAKA Akiko]]|

El la kasedo [[antaux_du_jaroj|Antaŭ du jaroj]].

Strofoj 3-5 ne estas kantataj en la kasedo.

===== Teksto =====

Agordu la brustojn, ho nia fratar',
por nova pli vigla jam kanto!
Ĝi sonu potence de montoj al mar',
anoncu al ĉiu dormanto:
> Tagiĝo, tagiĝo radias en rond',
> la ombroj de nokto forkuras el mond'!
> Tagiĝo, tagiĝo radias en rond',
> la ombroj de nokto forkuras el mond'!

Post longa migrado sur dorna la voj',
minacis nin ondoj de l'maro;
sed venkis ni ilin kaj velas kun ĝoj'
al verda haven' de l'homaro.
> Post longa batalo, maldolĉa turment',
> la verda standardo jam flirtas en vent'.
> Post longa batalo, maldolĉa turment',
> la verda standardo jam flirtas en vent'.

Se venus ankoraŭ ventegoj, batal',
ni estas jam bone harditaj;
esperon ne venkos la fajro, nek ŝtal',
nek ies perfidoj subitaj.
> Nenio en mondo elŝiros ĝin for,
> ĝi havas radikojn profunde en kor'.
> Nenio en mondo elŝiros ĝin for,
> ĝi havas radikojn profunde en kor'.

Ni velas antaŭen kun kredo, fervor',
benante la Majstron por verko,
kaj lian anaron, de plej frua hor'
fidelan al li, ĝis la ĉerko.
> La mond' aliiĝos, la temp' pasos for,
> sed vivos eterne pri ili memor'.
> La mond' aliiĝos, la temp' pasos for,
> sed vivos eterne pri ili memor'.

La lingvo benata montriĝis al ni
mirinda donaco ĉiela:
per amo al hejmo, patrujo, naci',
ni flamas en koro fidela.
> Kaj same fidelaj al hejma altar',
> ni sentas nin filoj de l'tuta homar'.
> Kaj same fidelaj al hejma altar',
> ni sentas nin filoj de l'tuta homar'.

En ĉiu mondparto, en ĉiu ter-zon',
en koroj de centoj da miloj,
jam vibras por nia saluto reson',
do kantas de l'tero ni filoj:
> Tagiĝo, tagiĝo radias en rond',
> la ombroj de nokto forkuras el mond'!
> Tagiĝo, tagiĝo radias en rond',
> la ombroj de nokto forkuras el mond'!

===== Poŝtelefone =====

===== Tonsilabe =====

===== Eksteraj ligoj =====

{{tag>kanto litero_T}}