====== Dormu Milde ======
^Teksto|[[Marcelo REDOULEZ]]|
^Muziko|[[Nanne KALMA]]|
^Kantas|[[Kajto]]|

===== Teksto =====
<box 25% right>{{youtube>small:uwXMTfHTfiI}}</box>

Suno mosxta post minuto,
Diafana gemrubeno,
Riverencos kun saluto
Al la nokta suvereno.
Luno brila el sateno
Jam argxenta en cxielo.
Cxio mutas en sereno.
Dormu milde, brilas stelo.

Infanetoj dum balbuto
Time ploras sen cxagreno.
Trankviligas ilin fluto
Kaj fabelo pri delfeno.
Kaj malantaux la kurteno
Kvankam regas la malhelo,
Ili kusxas sur kuseno.
Dormu milde, brilas stelo.

Nek diskuto, nek disputo,
Foren pluas la promeno
En kupeo aux kajuto
Trans la montoj gxis haveno.
Morgaux floros la mateno,
Belos kiel akvarelo,
Sed silente nun sen gxeno
Dormu milde, brilas stelo.

{{tag>litero_d kanto esperanto lulkanto filmo}}